Ընկերության մասին

«Եղիազարյան և գործընկերներ» իրավաբանական ընկերությունը գործում է իրավաբանական խորհրդատվական շուկայում 2011 թվականից: Մեր գործունեության երեք հիմնասյուներն են պրոֆեսիոնալիզմը, արդյունավետությունը և մեր հաճախորդներին համալիր լուծումների տրամադրումը։

Մենք փորձառություն ունենք կորպորատիվ իրավունքի ու կորպորատիվ կառավարման, սնանկության իրավունքի, հարկային և մաքսային իրավունքի ոլորտներում: Մենք նաև իրականացնում ենք քաղաքացիական, վարչական և քրեական գործերով դատական ներկայացուցչություն և կազմակերպությունների վերակազմակերպման գործընթացներ:

Մեր յուրահատուկ կառուցվածքը սահմանում է մեր մոտեցումը: Մեր մոտեցումը հիմնված է գործերի մանրակրկիտ ընտրության, ինչպես նաև ճիշտ մասնագետներին ներգրավելու ճկունության վրա` լավագույն ծառայությունն ու խորհուրդները տրամադրելու համար: Հաջողության հասնելուն նպաստում է իրավական տարբեր ոլորտներում մասնագիտացած իրավաբանների համակարգված և հետևողական աշխատանքը՝  թմային աշխատանքի կազմակերպման լավագույն մեթոդներով։

Ի՞նչն է մեզ առանձնահատուկ դարձնում

• Մենք ունենք համապատասխան թիմ և անհրաժեշտ նյութատեխնիկական հնարավորություններ մեր աշխատանքներն արդյունավետ և օպերատիվ կազմակերպելու համար։
• Մենք չենք լճանում և շարունակական ներդրումներ ենք կատարում ընկերության զարգացման ուղղությամբ՝ հաշվի առնելով միջազգային լավագույն փորձը։
• Տարիների փորձը ցույց է տվել, որ մեր թիմն ապահովում է խնդիրների լուծման բացառիկ արդյունավետություն։ Գործնականում առկա չեն այնպիսի խնդիրներ, որոնք ձախողել ենք։
• Մենք կարողանում ենք ապահովել բանակցային հմտություններ, որոնք հնարավորություն են տալիս բազմաթիվ անելանելի իրավիճակներում գտնել փոխշահավետ (win-win) լուծումներ,
• Մեզ վստահում են ինչպես հայաստանյան, այնպես էլ միջազգային կազմակերպություններ, որոնց հետ արդյունավետորեն համագործակցում ենք երկար տարիներ,
• Կարծում ենք, որ մեր հաճախորդներին բավարարում է մեր աշխատանքի որակը, քանի որ նրանք մեզանից չեն հեռանում,
• Մենք ունենք մասնագետներ քաղաքացիական, վարչական, սնանկության և քրեական իրավունքի ոլորտներում, որոնց միաժամանակյա աշխատանքը բարդ խնդիրների ուղղությամբ երաշխավորում է դրանց լավագույն լուծումը,
• Մենք հետևողականորեն միջոցներ ենք ձեռնարկում մեր առջև ծառացած օրենսդրական և գործնական խնդիրների լուծման և բարեփոխումների ուղղությամբ։